اخر الاخبار
رئيس مجلس الادارة سامية ابراهيم ،رئيس التحرير علاء القهوجي
الرئيسية » شعر » الياسمينة .. د. ملك محمود الأصفر

الياسمينة .. د. ملك محمود الأصفر

هالياسمينة بأرض الدار

نوارة بأجمل أزهار

أحلى منظر ريحة عنبر

غطت على وردات الدار

والياسمينة جنب الباب

بتتغاوى بحسنا الخلاب

غصنا الأخضر لما أزهر

بجمالو سحر الألباب

من الصبح منتصبح فيها

منتبسملا ومنسقيها

يا ستار عشاقا كتار

والكل بيتغزل فيها

وكل يوم سهرة صباحية

من المسا حتى الصبحية

قعدة جميلة ونسمة عليلة

وروايح كلا عطرية

وكل يوم بيجي العصفور

بيبرم حوليها وبيدور

بيحاكيها وبيناغيها

وبيغرد هوة مسرور

جمالا متأصل فيها

ولونا الأبيض شو محليها

أحلى هدية للصبية

وللملكة فيك بتهديها

ارسال :

عن معتز الراوى

رئيس القسم الأدبي

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

ماغيرك بقلبي_ الشاعر /عبد الكريم سلامه_جريدة الخبر

يل خالقك ربي وحق النبي العدنان ما غيرك بقلبي ولا الغيرك البقيان وقديش مو صعبي وإنسان وتٰ حبّي وي فضّل الغربه وينسى زمان الكان وما يخربش بعبي وينام عَ جنبي ...