اخر الاخبار
رئيس مجلس الادارة سامية ابراهيم ،رئيس التحرير علاء القهوجي
الرئيسية » الرئيسية » معاناه_ الشاعر/ حمادة ريحان _ جريدة الخبر

معاناه_ الشاعر/ حمادة ريحان _ جريدة الخبر

؛؛؛؛؛؛؛؛؛؛؛( معاناه)؛؛؛؛؛؛؛؛؛؛

أكيد انت بتتألم ومابتنكرش
لسان الحالة مابيكدبش
وأنا والله نفس الشيئ
بحس بضيق ونفس الفكر والاحساس
بشوف الناس بترميني السلام بعتاب
كإني كتاب وكل حروفه من رسمك
ورسماك فيه بأوصافك مع اسمك
عشان قولت اني هستناك
لقيتني هناك مع غيرك
وانت كمان مع غيري
بترقص رقصة الاموات
حنيني مات لكن جوايا بيموت فيك
انا مش ليك لكن بتبع خطوط سيرك
عشان قلبي مالوش غيرك
بموت في اليوم 200 مرة
حياة مره بعيشها معاه
وكل دقيقة بفتكرك فتطلع آااه
واحس بجرح جوه الروح
فا روحي تروح في غيبوبة
وبردانه برودة الجو في طوبة
ماهش نوبة واقول اهي برضو هتعدي
انا بدي اكون وياك
وبترجاك تعيد ودي
وترجعلي دقايق همس
اشوف الشمس واحس بلمستك تاني
انا بعاني وشيفاك برضو بتعاني
انا اللي جنيت وده ذنبي
عشان عقلي اللي كان سلبي
ورافض انه يستناك
برغم انه بيتمناك
لكن ياخسارة فات وقته
وكل دقيقة من وقته
بيندم انه ماستناك
صحيح الوقت عدي وفات
بقيت اتعد م الاموات
ولايمكن يعود ميت تاني لحياة
هعيش باقي الحياة معاناه .

؛؛؛؛؛؛؛؛؛؛؛؛؛؛( حمادة )؛؛؛؛؛؛؛؛؛؛؛؛؛؛؛

ارسال :

عن خديجة الميمونى

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

بريء منك_ الشاعر/ ياسر عبد الحميد_ جريدة الخبر

برئ،،، منك،،، ✍️ ************** بلاش،، ف عتابك،، الساذج تتمني،، تقولي،،، كلام،، لإني بجد،، انا،، مليت صحيح،، حبيت،،،!!! و عشتلي،، وقت ف،، الاحلام و سيبتيني،، لكن،، حنيت و ف رجوعي،، لاقيت،، ...