ترحال،، السنين _الشاعر/ياسر عبد الحميد_جريدة الخبر

ترحال،، السنين ،،
****************

بص ف عنينا،، حتلاقينا،، بنتخدع
حتي الألم رشرش علينا بميت وجع
و كأننا،،، اشباه بشر،، زي الخيوط
خيط عنكبوت،، و خيوط جدورها بتتخلع
بص ف وشوش كل البشر
ح تلاقي،،، خوف،،
احلامها أضعف،، م الظروف
مين وَصلَك،،
كل الخلايق،،، تشبهك
ملامحها نحتت،، ع الحجر
سكت الكلام،، قام،، انتحر
حتي اللي كان،، واخد عليك
خلاك،، بتلعن،، ف الظروف
ليه صبحنا،، ف وقت خوف،،
كل البشر،، بقوا انتيكات،،
حتي،، الممات،،
مركونين فوق الرفوف
كل المواعظ،، و الحِكم
صبحت،، فِتن،،
صدقني ياللي،،، بتتفتن
مافيش ملامح ف الحقيقة
الظلم فايت،، من دقيقة
او من سنين او كام سنه
و انت،، و انا،، متسكعين
الحمل زاد،، ويا الأنين
حاضنين مشاعرنا االلي دابت
عايشين ف حلمنا،، مدفونين
و اهي مرة صابت و تانيةخابت
و لفين،، يا ترحال،، السنين،،
العمر،، اتسرسب،، علينا
و الوقت عمره ما حس بينا
و اللي افتكر انه ينادينا
كان الألم،، ف وجع،،، سجين،،،!!!

************************
شعر / ياسر عبد الحميد،،،
************************