حلم خداع..الشاعر القدير/ ياسر عبد الحميد_جريدة الخبر

في ناس بتشوفها في الصورة
و هدومها بسبع ألوان

و ناس ضحكتها مكسورة
عشان غرقانة ف الاحزان

و ناس يقولولنا اصحاب بيت
و مالهومش ف حياتنا مكان

و ناس بتعوم في احلامها
و بتأدف مع التعريض

بتتجمل وبتسقف لايامها
و بتطبل بشكل جديد

و ناس مالهومش ف التهييص
بقت فُرجِتها فن رخيص

و ناس احلامها في التخليص
عشان واخدة الحياه تهييس

يا مسرح كله بهلوانات
بتتسابق و تتنطط مع الحركات

يا حلم فقير و قوته فُتات
يا حكاوي الصِبا الي مات

بلاش أوجاع سيبوا الأطماع
بتتغزل في حلم ضباع

و بتقطع رُفاث ميت
و بتكسر عظامه خداع،،،!!!