شبورة..الشاعر/ فتحى نجم المنصورة_جريدة الخبر

شبورة فارشه الدموع
وموزعة ليل البكا
والرحلة مجاني
هزت شواشي القلوع
رغم الشموع
الكسر جواني
العين فاضت أنين
والجته صابها الوجع
ولا قلت آه ياني
كل الخطاوي الممكنات
علي الرصيف متكعبلة
ساندة علي ضلها
والحيل ضعيف
ماعدتش مستحملة
حتي احلامناالبريئة
جوا القفص متعلبة
شبورة قصدة الوجع
وعلينا متقلبة
مع اني صالب طولي
غنيت ولاموني
بكيت مارحموني
شبورة غطت كل الوشوش
وعملت أحجبة
كل الوشوش
اللي كنت فاكرها مؤمنه
منها الحاجات
ليل السكات
صحرا ونبات
حتي ديك الفجر
طالع همهمه
خزلوني
والأمنيات
خبت معاها طعم المرار
رغم القرار
الصعب فيه مش مستحيل
حجم الورق مغطي
سوءة الشجر في يوم مطير
والابتسامة مكسورة
رغم العبير
قلبي والي راح يطير
يخطف حبة المطر
لجل تحديد المصير
ياضلوع السواقي
رغم زيف المر باقي
الحق ….. باقي
العدل ….. باقي
رغم التكسير
يا المرايا
الصورة فيكي مدغششة