اخر الاخبار
رئيس مجلس الادارة سامية ابراهيم ،رئيس التحرير علاء القهوجي
الرئيسية » المطبخ » الايس كريم البيتى/الخبر

الايس كريم البيتى/الخبر

بنقدملك كذا طريقة للآيس كريم البيتى 

شيف \ منى درغام

ايس كريم الزبادى بالفواكه

المقادير:

3 أكواب زبادي

كوب عصير فواكه طبيعي مركزاوكومبوت فاكهة حسب الرغبة
,

التحضير:

تضرب المقادير في الخلاط .

يصب الخليط في قوالب الثلج او اكواب صغيرة او اكواب بلاستيك و يوضع في كل قالب او كوب عصا خشبية (ستيك).

يجمد و يقدم مثل ستيك الايس كريم .

وبالهنا
ايس كريم من الفواكه الطبيعية
————————–
فواكه مشكله ومفرومه
بالكبة او الخلاط وممكن نضيف لها عسل ابيض لزيادة الفائدة وطبعا تنفع للدايت بس زودو من الفراولة والكيوى وكمان الجوافة طلعت هتبقى روعة
ايس كريم شيكولاتة
——————–
الوصفه دى جميله اوى وان شاء الله تعجبكم لايس كريم شيكولاته فالبيت
الاول هنحضر كريم شانتيه عادى ونخفقه بلبن او ماء مثلج نملى بيهم كوب ونص كريمه ونكههه بالفانيلا ونحطه فالفريزر شويه
ثانيا فالخلاط نحط كوب ملياان حليب مكثف محلى مع نص كوب كاكاو فالخلاط لحد مايتجانسوا ونصبهم فبوله ونطلع الكريمه من الفريزر ونضيف معلقه معلقه ع خليط الكاكاو لحد مايمتزجوا سوا وندخلهم الفريزر تانى يجمدوا ونقدموا وممكن نزينه باى مكسرات او صوص شيكولاته.
الايس كريم زى صنداى بتاع ماكونالدز فى خمس دقايق
————————–——————–
نحضر كيس حليب نصف كيلو ( اى نوع حليب بخيره مثلا )ونضعه فى الفريزر حتى يتجمد (من 4 الى 12 ساعة حسب قوة التبريد عندك) – مع فرد الكيس نائما عشان يبقى سهل تقطيعه بعد ما يجمد
نخرج الكيس المجمد ونقطع الكيس ونخرج الحليب الى صينية معدن – وباستخدام سكين غليظ نقطع الحليب مكعبات صغيرة
نضع مكعبات الحليب المتجمد فى الخلاط مع 3 معالق كبيرة سكر وربع ملعقة صغيرة فانيليا – ونضرب الكل من خلال نبضات وليس مرة واحدة – الى ان يصبح الحليب كله ناعماً وليناً
نصب الحليب فى علبة بلاستيك واسعة ونفرده فى قعرها ثم نغطى العلبة ونضعها فى ارضية الفريزر – ونضع فوق غطاءها أى مجمدات من الفريزر للاسراع فى تجميد الحليب قبل ان يسيح
بعد ان يتجمد الحليب مرة أخرى يصبح الآيس كريم جاهز للتقديم – نستخدم معلقة كبيرة فى كحت طبقة من وش الايس كريم ثم نضعها فى كوب ونكرر كحت طبقة أخرى وهكذا – ولا نغرف قطعة كبيرة مرة واحدة
بعد ملئ كوب الايس كريم نصب عليه صوص شيكولاتة او اى صوص تحبوه (اختيارى)

صوص شيكولاتة للايس كريم
————————–—-
المقادير
2 معلقة كبيرة كاكاو خام
كوب حليب
3 معالق كبيرة سكر
1 او 2 معلقة كبيرة زبدة او سمن بلدى
الطريقة
نضع فى كوب ملعقتين كبار كاكاو خام وبضع قطرات من الحليب ونقلبهم لعمل عجينة
نضيف حليب بالتدريج ونقلب الى ان يتملئ الكوب بالحليب
نصب الكوب فى وعاء على النار ونضيف 3 معالق كبيرة سكر ومعلقة زبدة او سمن بلدى ونستمر فى التسخين حتى تسيح الزبدة ويذوب السكر تماما
نكسر قالب شيكولاتة ونضعه فى الوعاء ونقلب حتى يسيح
نترك الصوص ليبرد قليلا (يجب ان يكون الصوص سائل لكن متماسك – لو وجدناه خفيف نضع ملعقة ثانية من الزبدة او السمن ونسيحها مع التقليب)
نصب الصوص فى برطمان زجاج ونغطيه ونحفظه فى الثلاجة – ونصب منه على اكواب الايس كريم قبل التقديم – يجب رج البرطمان اولا (برطمان صوص الشيكولاتة يكفى مرات كثيرة جداً)
وبالف هنا وشفا

ارسال :

عن Samia Ibrahim

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

مطبخ الخبر قطيع دجاج من مكرونة بالجبنة تشدر

وصفة اليوم مقدمة من الشيف رمضان أبو القاسم.. المكونات صدور دجاج طازج صوص ليمون ببريكا ملح فلفل مستردة جزر فاصوليا مكرونةحلزوني بر جبنة تشدر كريمة لباني جبنة السائلة زيت طريقة ...