اخر الاخبار
رئيس مجلس الادارة سامية ابراهيم ،رئيس التحرير علاء القهوجي
الرئيسية » شعر » حلم جميل..الكاتبة/هناء البحيرى_جريدة الخبر

حلم جميل..الكاتبة/هناء البحيرى_جريدة الخبر

عارف لما تكون عايش حلم جميل
حلم بيديك أمل فى بكره
و تمر الأيام و كل يوم بيعدي
بتحس إنك قربت من حلمك أوى
و فجاءة تصحى على كابوس مزعج
تصحى تلاقي نفسك كنت عايش وهم
كنت مفكر أن كلها خطوات بسيطه و توصل لقمة السعادة
تدور حوليك تلاقي نفسك لوحدك
تحس أنك بتغرق و محتاج لحد ينقذك
إحساس صعب جداً بشع
بعد كده تفقد الثقه فى كل إلي حوليك
و تشعر بخيبة أمل
هنا تميل للعزلة و تفضل الوحدة
بس للأسف حتى الوحدة مش من حقك
عارف ليه
عشان الناس إلي حواليك إتعودت
إتعودت على أنك ليهم هما بس
أنت تشعر بتعبهم و لازم تكون جمبهم
لكن أنت مش من حقك تشتكي
مش من حقك تتكلم و لا حتى تبكي
و لو شكيت فى يوم أو بكيت يتعجبوا
أصلهم خدم على كده
يمكن تكون أنت إلي عودتهم على كده
يعنى أنت إلي غلط
غلط يوم ما إدتهم أكتر من حقهم
غلط يوم لما فضلتهم على نفسك
غلط يوم ما كنت بتخبي وجعك جواك
كنت بتخاف تقول وجعك
كنت فاكر إن وجعك هيؤلمهم
كنت مفكر أنهم زيك عندهم قلب و إحساس
و دلوقت مستني إيه
مستني حد يمسح دمعتك
صدقني إيدك بس هى إلي تقدر تمسح دمعتك
يمكن طيبتنا إلي إتربينه عليها هى السبب
و يمكن عشان إحنى بنحب بضمير
ياه على الوجع لما يجي من أقرب الناس
بس هنقول ايه هي الدنيا
لاء بلاش نظلم الدنيا
هما البشر أصبحوا وحوش
لاء حتى الوحوش عندهم قلب
بجد مش عارفه أوصف البشر بأيه
لكن أرجع و أقول
ربنا رحيم بعباده
وخليك فاكر الدنيا مش بدوم لحد
إنهاردا أنت غني بكره فقير
إنهاردا أنت شباب بصحة وعافية
بكره هيروح الشباب و يجي الشيب
على كل حال ربنا كبير
كبير لأبعد الحدود و من ناداه لبى نداه

ارسال :

عن سكينة صادق

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

بُردة الصباح..الأديب/نصيف علي وهيب_جريدةالخبر

ما كانت رقرقة الماء هذياناً، هديرُ المتأنقِ بعطر الحب للضفتين، وطن يفيض إلينا حلماً، يكبر على الشرفات، يتسللُ إلى العيون وعينيها الناطرة ذاك الفجر، تكتب بلغة الماء قصيدة عشق، يمنحها ...